Sprichlan vo Graun

Ropp, Ropp,
wous hoscht gschtoulan?
In Schuaschtr a pour Soulan,
in Schnaidr a pour Fleck,
morgn um holba naini
hock i dr in Kopf aweck.

Guggu, wou bisch?
In Wold.
Wous frischt?
An Frosch.
Gibmr aa!
Nana.
Du gaitiga Goaß!

Hossa, hossa, raita,
ibrmorgn isch Freitag,
in Somsta schtechmr s Kalbl ou,
in Sunnta nougmr dia Bondlan ou.

Millr, Moulr,
Gloggatoulr,
Boanabaißr,
Housaschaißr.

Madali, Madali,
hintrn Schtadali,
flickt s Hematli
ouna Nadali.
Wort, i wäars dr Muatr sougn,
du tuascht in Zwirn ollz vrtourn.

Gaizkkrougn,
Hennamougn,
wort, i wäars dr Muatr sougn,
Muatr soggs in Voutr,
Voutr soggs in Schmiid,
Schmiid soggs in Hammrli,
s Hammrli schloggdi maustoat.

Anna Trontschanna,
schpial s Nudlbrett ou,
houbm di Hennan
drauf gschißn,
moch Nudl dribr ou.

Drai moul drai naini,
viari draizeini.

Deis ischt dr Dauman,
däir schittlt di Pflauman,
däir klaubtsa auf,
diar trogsa hoam,
dr kloan Schölm ißtsa gonz alloan.

Diär ischt in Boch gfollan,
däir hottnan außr zouchn,
däir hottnan hoam trougn,
däir hottnan in Bett glegg,
däir hotts dr Muatr gsogg.

Di Madlan, dia pfaifn,
di Giggr, dia ett kraian,
soll ma po zeitn,
in Krougn imdraian.

Wäir a Lisl in Haus hott,
braucht koan Hunt.
Wou a Kattl ischt,
sellm braucht dr Nochbr aa nou koan.

Di Urschl
mittn kolta Oursch,
huckt affn Häart,
bissr worm wäart.

Inzr Kotz hott Junga kött,
a siima, ochta naini,
oans hott koa Schwanzl kött,
norr schteckmrs wiidr aini.

Brettr aweck,
Brettr aweck,
iatz kimmp di Schtozza Trina.

Vrgeltsgott tausat Moul
in Himml aubi
und nimma ouchi.

Vrgeltsgott
in Seimlkorb,
du hoschas
ett wait zun Beck.

Sunnali, Sunnali,
kimm amoul,
wermr maina Knia,
geschtrn bischt du
zwoamoul kemman,
haint kimmscht du nia.

Sunnali, Sunnali
gäa hoam
ibr Schtock und Schtoan
und bring inz die orma Hirtlan hoam.

Schnegg, Schnegg,
schtreck daina Heirn aus,
sischt wirfadi hoach ibrn Turn aus.

Touni, Malouni,
Pumarantscha Guggu,
a Pfaif voll Tabagg
isch mäa wäart as du.

Touni Malouni
graif hintna ouni
um a Batzali Houni.

Di Graunr sougn:
I hon amoul a Kopp kopp,
dia honni assou lang kopp,
bississa hon hin kopp.

Di Reschr sougn:
I hon amoul a Köttn kött,
dia honni assou long kött,
bississa hon hin kött.

Di Graunr sougn:
Di sell mittr Schell
gib aa a guata Milch.

Di Naudrr sougn:
Tsalla mittr Schalla
gait ou a guata Milch.

Onnamaria hoaßi,
olla Wettr woaßi,
alla Wettr vrtraibi,
affn Graunr Kirchaturn blaibi.

Alle Videos der Leseaktion von Toni Bernhart