Haint isch dr Morkt schtumm, 
ass hatt dr Wint
    in dein Merz va Faile unt Wirm
        der va dr aisig Heach oarkimp
        iibroll a pissl eppas gschtouln va di
        Forbm Schtiimman vann Riafn Schraian
    Wou pinne iibrhaup? Wou pinne glondat?
    Wos firra Ourt isch deis doo? Unt pinn aa ii lebendigr
            schunn affn Weg zann Toat wia du? 
            Vergessmr iatz schunn mea ass
            di Helfte va inzre Wertr
            odr drai Viartl vann inzrn Schnaufn 
            hobmr affoamool di Schtimm vrlourn
                weign an wiltgwortnan Wint? 
    Wia schean isch decht der Morkt doo
        e pissl ploss, awekk va dr Schtroos
        vrschloofn vrtraamp.
    Miar gfollt, aa wennzmr foscht Ongscht mocht
        deis Schtummsain odr grood unt grood Murmln vann ollz 
                untn untn untrdrukkt
    wenn lai a pissl Sunn
        deis Bsinnen segnan tat
        unt deis bis in di leschtn Winkl inne Drschtarrn

Andrea Zanzotto: Dorfspiel
Aus dem Italienischen von Donatella Capaldi, Maria Fehringer, Ludwig Paulmichl, Peter Waterhouse
Mit Beiträgen von Donatella Capaldi und Peter Waterhouse
Hg. gem. mit Literatur Lana – Verein der Bücherwürmer und Urs Engeler Editor
EUR [I] 18,80, ISBN 978-3-85256-633-7
Folio Verlag (Wien / Bozen)